[{"content":" ⚠️ Notice 呢篇文章暫時仲未粵語化，暫時拎住書面語版本頂住檔先。我遲啲有時間會更新返粵語版本！\n本文使用的拼音系統為粵拼。\n聲母 標準粵語有 20 個聲母音位。雖然說好些人已經把 /n/ 和 /l/, /ŋ/ 和 /ʔ/ ~ ∅ 之類的聲母對混同。\n唇音 齒音／齦音 硬腭音 軟腭音 唇化軟腭音 聲門音 不送氣塞音 b /p/ d /t/ g /k/ gw /kʷ/ ∅ /ʔ/ ~ ∅ 送氣塞音 p /pʰ/ t /tʰ/ k /kʰ/ kw /kʰʷ/ 鼻音 m /m/ n /n/ ng /ŋ/ 不送氣塞擦音 z /ts/ ~ /tʃ/ 送氣塞擦音 c /tsʰ/ ~ /tʃʰ/ 擦音 f /f/ s /s/ ~ /ʃ/ h /h/ 邊音／近音 l /l/ j /j/ w /w/ 兩套齒擦音似乎是同位異音（allophones）或自由變體（free variation）。有些人在非圓唇元音前面唸作 /ts/, /tsʰ/, /s/，在圓唇元音前面唸作 /tʃ/, /tʃʰ/, /ʃ/，也有人在所有情形下統統唸作齒音。不過一些語言學文獻提到這兩套發音在 1950 年代以前的粵語中是兩套不同的聲母。詳見拙文「淺談數個漢語方言現象」。\n韻母 一般認為標準粵語有 8 個主元音音位，儘管實際音值大約有 11 種。以星號 * 標註的為罕用發音。\naː ɐ ɛː iː ɔː œː uː yː ∅ -∅ aa /aː/ a* /ɐ/ e /ɛː/ i /iː/ o /ɔː/ oe /œː/ u /uː/ yu /yː/ -i aai /aːi/ ai /ɐi/ ei /ei/ oi /ɔːi/ eoi /ɵy/ ui /uːi/ -u aau /aːu/ au /ɐu/ eu /ɛːu/ iu /iːu/ ou /ou/ -m aam /aːm/ am /ɐm/ em /ɛːm/ im /iːm/ om* /om/ m /m̩/ -p aap /aːp/ ap /ɐp/ ep /ɛːp/ ip /iːp/ op* /op/ -n aan /aːn/ an /ɐn/ en* /ɛːn/ in /iːn/ on /ɔːn/ eon /ɵn/ un /uːn/ yun /yːn/ -t aat /aːt/ at /ɐt/ et* /ɛːt/ it /iːt/ ot /ɔːt/ eot /ɵt/ ut /uːt/ yut /yːt/ -ŋ aang /aːŋ/ ang /ɐŋ/ eng /ɛːŋ/ ing /ɪŋ/ ong /ɔːŋ/ oeng /œːŋ/ ung /ʊŋ/ ng /ŋ̩/ -k aak /aːk/ ak /ɐk/ ek /ɛːk/ ik /ɪk/ ok /ɔːk/ oek /œːk/ uk /ʊk/ 較老的粵語有 /om/ 和 /op/，不過今天一般已經併入了 /ɐm/ 和 /ɐp/。\n/aː/, /ɐ/, /ɛː/ 和 /iː/ 是非圓唇元音，而 /ɔː/, /œː/, /uː/ and /yː/ 是圓唇元音。元音的圓唇性質有可能會影響到 /ts/, /tsʰ/, /s/ 或 /tʃ/, /tʃʰ/, /ʃ/ 的實際音值。\n與大部份的歐洲語言不同，當塞音（i.e. -p, -t 和 -k）作為韻尾的時候，都是不除阻的。\n聲調 調號 傳統名稱 調型描述 調值 IPA 1/7 陰平／短陰入 高平／高降 55/53 ˥˥/˥˧ 2 陰上 中升 35 ˧˥ 3/8 陰去／長陰入 中平 33 ˧˧ 4 陽平 低降／極低平 11/21 ˩˩/˨˩ 5 陽上 低升 23 ˨˧ 6/9 陽去／陽入 低平 22 ˨˨ 「短陰入、長陰入」也分別叫做「高陰入、低陰入」。\n💡 冷知識 粵語是少數保留陽上調的漢語變體。大部份的現代漢語變體一般把陽上併入了陽去或者陰上調。\n","date":"2026-04-24T11:38:10Z","permalink":"/blog/yue/introduction-to-cantonese-phonology/","title":"粵語音系簡述"},{"content":"今天睇咗 Alex Hsu 嘅呢篇《你的RSS文章壽命可能只有別人的一半》，即刻 check 下自己網站嘅 RSS 資訊，發現 RSS 輸出入面嘅 \u0026lt;pubDate\u0026gt; 係拎 date 而唔係我喺 frontmatter 度指定嘅 lastmod 屬性。後者先至係我想喺 RSS show 出嚟嘅發佈時間。\n我而家嘅發佈流程 呢度而家係用 Hugo 同 GitHub Pages 起出嚟嘅。響我寫一篇新文章嘅時候，會喺臨 save file 嗰陣𥄫下而家個時間，然後手動填個時間上去 frontmatter 嘅 date，然後盡快推上 GitHub。響我更新舊文嘅時候，我就唔郁 date 而係郁 lastmod。殊不知原來咁嘅更新方法，反而係伏咗我自己。\n開工 要改動 RSS 入面嘅發佈時間，我哋可以從 layouts/rss.xml （至少我而家用緊呢個主題係呢個 file）呢個 file 入手。呢個 file 裏面有行係咁樣：\n\u0026lt;pubDate\u0026gt;{{ .PublishDate.Format \u0026#34;Mon, 02 Jan 2006 15:04:05 -0700\u0026#34; | safeHTML }}\u0026lt;/pubDate\u0026gt; 其中 .PublishDate 代表 frontmatter 嘅 date 屬性，而 lastmod 屬性就係 .Lastmod。換咗呢個值之後應該就搞掂喇。\n我唔知以我而家嘅發佈流程嚟睇，可唔可以做到自動填同改發佈日期，如果得嘅話以後有空也許會試着做做看。\n📌 2026/04/24 更新 我搵到個可以從 Git 拎日子嘅 Hugo 選項。唔確定呢樣對我係咪有用。\n","date":"2026-04-12T20:30:00Z","permalink":"/blog/yue/rss-publish-date-adjustment/","title":"RSS 日期調整"},{"content":"搞咗一輪終於（某程度上）整好咗個自建部落格，但有啲功能嘅實作我仲喺度奮鬥緊。\n因為我對個 framework 暫時未係太熟，呢個網站可能會有好多奇奇怪怪嘅 bug。有任何技術建議歡迎向直接我提出，或者直接喺個 GitHub repo 度出個 PR 都得！感謝各位讀者的支持！\n📌 2026/03/14 更新 喺研究一啲設定之後，大部份肉眼可見嘅 UI 問題都解決咗！雖然花咗多過一開始預期嘅時間去處理。不過就唔知點解「閱讀時間」一直 show 唔到出嚟。\n📌 2026/04/13 更新 UI 大翻新。上述「閱讀時間」 show 唔到嘅問題解決咗。\n📌 2026/04/23 更新 更換全站配色。\n","date":"2026-03-03T16:51:10Z","permalink":"/blog/yue/blog-maintenance/","title":"部落格維護"},{"content":"好啦，呢篇係篇跟風文。呢篇文用嘅問題集嘅原始版本出自 Kev Quirk，最近繁體中文部落格嘅不完全跟風名單有：廢文小天地、黃宏勝、JN、侃侃而隨想極短文、Ikuka、Shuyu、Wiwi、Alex Hsu、黃碩人。\n問題清單 你當初點解開始寫部落格？ 你用咩平台去管理你嘅部落格？點解揀佢？ 你之前有冇喺其他平台度寫過寫過部落格文章嗎？ 你點樣寫文？例如，用本地編輯工具，定係喺部落格嘅後台／控制面板度寫？ 你咩時候最有寫作靈感？ 你會喺寫完後即刻發佈，定係會存成草稿醞釀下先？ 你部落格上最鍾意嘅文章係邊一篇？ 你對部落格有乜嘢未來計劃？例如重新設計、搬到另一個平台，或是加入新功能？ 我嘅答案 你當初點解開始寫部落格？ 主要係整嚟擠筆記順便嚟黐下 BlogBlog 同樂會？我目前仲未將我所有嘅筆記都整理好。\n你用咩平台去管理你嘅部落格？點解揀佢？ 目前唯一用緊嘅「平台」係 GitHub Pages，網站界面本身用 Hugo 生成。或者唔知幾時諗住起留言板嗰陣要考慮租個 VPS。或者唔知幾時諗住將成個網站搬去第個平台度 host。\n你之前有冇喺其他平台度寫過部落格文章？ 好耐之前有稍微掂過下 Blogger，但當時唔似得而家咁有咁多閒情寫 blog，好快就荒廢咗。\n你點樣寫文？ 都係用本地文字編輯器直接改 markdown 檔案喔。\n呢個部落格網站有英語同粵語版本，但由於我目前極少喺不諳漢語嘅圈子宣傳呢個網站，所以本站嘅英語內容大部份都是用住機器翻譯工具粗翻一次先，以後有時間先再嚟慢慢校對喇。\n你咩時候最有寫作靈感？ 好難講，唔存在固定時間。\n你會喺寫完後即刻發佈，定係會存成草稿醞釀下先？ 兩樣都有。有時候諗到靈感之後就即刻成篇寫好嘅就會即刻 po 出嚟。有時候淨係諗到一小部份嘅話或者就會存成草稿，亦都有可能會 po 出嚟先遲啲再慢慢執。BlogBlog 同樂會之類比較需要灌注心力嘅文章都係分段完成嘅。我覺得短期內我應都唔會有維持到日更嘅毅力，所以亦都無謂囤稿喇。\n你部落格上最鍾意嘅文章係邊一篇？ 本站文章數量暫時唔係好多，好難講。\n你對部落格有乜嘢未來計劃？ 等到網站人流夠多嗰陣，或者會考慮起個留言板？ 或者會考慮將成個網站搬去自有網域？ ","date":"2026-04-22T10:31:20Z","permalink":"/blog/yue/blog-questions-challenge/","title":"部落格問題挑戰"},{"content":"據說喺國外（尤其係西方世界，特別是舊啲嘅𨋢更有可能這樣），𨋢門唔一定會提供「閂門」嘅掣。\n據說有啲地方，𨋢門的「閂門」掣只係個安慰劑。\n而喺香港，以我所見大部份𨋢門嘅「閂門」掣是真係有用嘅。\n喺工程角度嚟講，整一個「閂門」掣會令到整部𨋢嘅設計複雜化，所以有時候唔整好過整。\n從文化角度嚟講，或者國外嘅文化根本就唔 care 要道𨋢門快點閂埋嘅命題，時候到喇𨋢門就自然會自己閂埋，急你老母！\n我有一部經常使用的𨋢，佢粒閂門掣就疑似係個安慰劑。人一行入去㩒咗樓層門就開始自己閂埋喇。\n","date":"2026-04-15T17:32:55Z","permalink":"/blog/yue/placebo-button/","title":"𨋢門嘅安慰掣"},{"content":" 💡 BlogBlog 同樂會！ 呢篇係我嘅「BlogBlog 同樂會 - 2026 年 4 月」嘅投稿文章。今個月嘅主題係「生產力」，由 Wen 主持。如果你有自己嘅部落格，歡迎一起嚟參加！\n非完全信息博弈：囚徒困境同納什均衡 這個世界上很多的博弈都是非完全信息的，即參與博弈的各方有着不為其他參與方所知的隱藏資訊。\n舉個例子，警局和兩名疑犯做認罪協商，如果兩名疑犯都不認罪（共同合作），則二人同樣判監半年；如果其中一名疑犯認罪（背叛）而另一名疑犯保持沉默（合作）的話，認罪的一方將即時獲釋，沉默者將判監十年；如果兩名疑犯一同認罪（互相背叛），則二人同樣判監五年。而兩名疑犯之間並不能互相交流。\n乙合作 乙背叛 甲合作 -0.5, -0.5 -10, 0 甲背叛 0, -10 -5, -5 這就叫做囚徒困境（Prisoner’s dilemma）。你會發現，在雙方都互相無法信任對方的情形下，雙方在只考慮自身利益時的最優策略，居然都是選擇背叛！而相互背叛又不能為雙方帶來更好的整體利益（只能把單獨考慮每名疑犯自身的利益最大化），形成「寧為玉碎，不作瓦全」的雙輸局面。當任何一方都沒有誘因單方面改變其選擇時，納什均衡（Nash equilibrium）就形成了。\n可以說很多非完全信息博弈所導致的後果，實際上是降低了全世界的整體生產力的。1\n（如果雙方共同合作嘅收益大於互相背叛嘅虧損，咁就唔叫囚徒困境而係叫獵鹿博弈。喺獵鹿博弈入面，「共同合作」同「互相背叛」都係納什均衡。）\n諸神黃昏嘅雙輸局面 面對百年未有之大便局，沒有一個現成產品在各方面都是完美的，你只能從各種不同的大便當中挑個最不難聞的，然後試着把他修成你能接受的樣子。\n廣告兩難 將囚徒困境套用在商業層面，就可以解釋成：每家公司都有兩個選擇，一是將更多的資源投放在廣告上以求削弱或打倒競爭對手（互相背叛）；二是與其競爭對手互相達成協議，減少浪費在廣告的資源（共同合作）。在現實的商業環境中，互相背叛極其常見，結果大量的資源和網絡流量被浪費在廣告上面，而絕大多數的消費者壓根兒就根本不會去瞅一眼。\n在這場博弈之中，最終受害的，竟然是終端用戶。各種過於猖狂的廣告迫使終端用戶紛紛開起了廣告攔截器。隨着 Google 對廣告攔截器的宣戰，一場新的兩難博弈正悄然打響。某些（可能有其存在價值的）網站和服務不得不依賴廣告維生不然會餓死，但廣告服務又依賴各種侵犯用戶隱私的追蹤器，把注重隱私的用戶羣嚇走，但用戶的流失又變相威脅到平台的財政，形成兩難局面。\n瀏覽器之戰 先來看看各位在用的瀏覽器好了。常見的瀏覽器有什麼優缺點？\nGoogle Chrome 被罵是間諜軟體和廣告軟體不是第一天了。 Microsoft Edge 界面相對較為煩人，而且也被罵是間諜軟體和廣告軟體。 Firefox 的背景看起來比較自由，界面比較乾淨，但因為市佔率因素導致某些網頁可能會對 Firefox 不太友善，且 Pront 和（曾經的2）Wiwi 指責說它是間諜軟體，而且據說 Firefox Android 版不是那麼好用。 Brave 被光鶯社羣共同創辦人之一的 Lumière Élevé 認為其應該得到與「威脅用戶安全」的瀏覽器同樣的待遇（在光鶯社羣的服務之中屏蔽），並稱 Brave「沒人會對這種給加密貨幣圈錢的東西落淚，更何況還是用 Google 控制的 Chromium 內核3」、「槍斃了不心疼4」。 Safari 是蘋果平台專屬，用了一些不太好看的手段來強行保住它的市佔率。 LibreWolf 比較適合隱私愛好者，但要是加載需要硬體加速的頁面的話就不用考慮了。 Cromite 應該是在 Chromium 系瀏覽器中最注重隱私的了，也沒有來自加密貨幣圈的大便，但它還是有一些來自 Chromium 的原罪5。 由上所見，沒有一個現成產品在各方面都是完美的，你只能從各種不同的大便當中挑個最不難聞的，然後試着把他修成你能接受的樣子。\n即時通訊軟體嘅諸神黃昏 即時通訊軟體也是一團大便，你只能在各種不同的大便中取捨。\nDiscord 商業味太濃，而且還在為年齡驗證的事炎上着呢。 Telegram 現在收費功能越搞越多了，「永遠免費」已成絕響。而且 Telegram 的聲音傳輸質量比 Discord 差。 Matrix 的穩定性（特別是基於 Synapse 的 homeserver）似乎還不夠好。 Stoat 目標是替代 Discord ，雖然打着「反對歧視」的標語，但似乎對來自一些國家的人有地域歧視，一竹篙打一船人。 Fluxer 也是 Discord 的一個替代品，但它把 Discord 的氪金手段也學得別無二致，甚至有過之而無不及。 SimpleX 能用並且保密性還是頂尖的，但跨裝置登錄就不用想了。 Signal 雖然加密本身沒有什麼挑剔，但除了加密以外的地方問題就多了，除了私密訊息的通知推送包含消息明文外，背後的團隊也對反審查毫無概念，至今仍向受審查地區的用戶推薦他們有嚴重問題的 TLS 代理，將用戶置身於危險之中。 Whatsapp 會把你的資料源源不斷地餵給 Meta，商業味太濃。 用愛發電 能夠單靠參與自由軟件專案嚟維持生活當然係好理想，但現實係能夠單單靠開發自由軟件嚟維持生計的人並唔係太多。\n現實當中 FOSS 往往靠以下方式來維生：\n售賣對應的周邊服務（例如 Caddy、cURL、SQLite3 售賣技術支援、以及某吃相糟糕的打譜軟件） 將軟件雙授權，開源軟件可以以開放原始碼協定免費使用依賴，閉源軟件必須購買付費授權（如 Qt、JUCE） 獲取專項撥款（如從 NLnet、FOSS.United 等獲取撥款，例如 Rethink） 售賣預構建二進位檔案（如 Ardour） 獲取政府合同（Tuwunnel 從瑞士政府獲取資助合同）或公司合同（Valve 以公司合同資助一啲 KDE 開發者） 收課金（就是純粹的用愛發電，需要足夠有人氣） 捐授權協定罅，直接售賣授權（RHEL） 結果就是自由軟件往往淪為唔會被投放充足勞動力的副業，造成現在自由軟件市場質素參差、良莠不齊。\n一潭死水嘅自由軟體市場 「自由軟件連嘢都做唔到，咁愛佢把鬼吖？」——佚名\n博弈的後果是，很多必要軟件和服務，往往都達不到（所有條件皆）理想的狀況，哪怕現成的選擇其實不少。\nWiwi 就曾經有列出過一個真·宅男指南。我覺得佢裏面嘅唔少看法（至少在 2026 年當下）實在係有啲太過激進，一些項目實際上並唔太現實。預算不足嘅情況下甚至會構成對生產力嘅拖累。\n你以為全世界所有人都能力自架離線 AI？我嘅話樽頸唔喺技術力，而係喺某啲天龍人意想不到的嘅方面，請見下文。 「對廣告嘅態度」喺個兩難，上面已經講咗喇。 避免訂閱服務（或曰「租用」）聽落好理想好崇高咁，但喺當今呢個諸神黃昏嘅時代，用得嘅買斷制軟件又有幾多？ 個人使用當然可以避免專有格式，但當你為咗維持生計而不得不出嚟做嘢嘅時候，呢啲專有格式，你以為你完全避到？ 當自由軟件市場仲係一潭死水嘅狀況下，市場需求自然會更加傾向 Windows 同 macOS 呢啲主流作業系統，開發 Linux 軟件喺商業角度上並不討好。Wine 唔係萬能㗎。 自架郵件伺服器你估咁易？實際上喺很多年前就已經被大量嘅 spam mail 玩成咗信任死鎖，自架郵件服務好難出信㗎。 即時通訊軟件是諸神黃昏，上面講咗。 不過我而家仲係經濟拮据。你而家睇到嘅呢個部落格，就連自有網域都仲未有6，更何談各種極其燒錢的自架服務了。\n人工智能對生產力嘅影響 在人工智能能快速完成人類以往需要花更多時間和心力才能完成的工作的背景下，可以說人工智能（在某些領域的）生產力已經超越了人類。在這些被 AI 主導的領域當中，只有最頂尖的人類才能存活，生產力追不上 AI 的人就會被社會淘汰。\n小時候有點憧憬當軟體工程師，但是現在 vibe coding 大行其道的時代下，單純當個軟體工程師在商業角度上已經不那麼討好了。 小時候有點憧憬當同人繪師，結果 AI 現在都能畫得比人手快且品質不錯了。 靜態的翻譯行為，就算不夠準確也被「夠用就行」踢下去了，只剩更傷腦筋的即時傳譯還有需求，或者可以考慮轉行當「低資源語言」（如各種漢語「方言」）的翻譯。 不過運行人工智能很吃電力，在當今全球能源危機的形勢下，人工智能的發展趨勢會否被迫放緩？\n點樣運用人工智能提升生產力？ 在人工智能時代下，我們應該怎樣有效運用人工智能來提升自身的生產力，以免被社會淘汰？\n我們不應該完全抗拒 vibe coding，但也不應完全依賴它，不應對 AI 生成的代碼囫圇吞棗。天知道哪天會出現智能叛變？ 當藝術工作者的要麼想辦法變成最頂尖的人類，要麼可以先用 AI 打草稿再想辦法精修。 試着強化人與人的連結吧，有些行業會比較強調與人類之間的交流，應該會沒那麼容易被 AI 取代。 為了討論方便，我們先不考慮單次囚徒困境與多次囚徒困境之間的差異。\u0026#160;\u0026#x21a9;\u0026#xfe0e;\n寫呢篇文嗰陣去咗查 Wiwi 個網站，發現佢已經將「Firefox 是間諜軟體」嘅描述靜靜雞剷走咗。\u0026#160;\u0026#x21a9;\u0026#xfe0e;\n原文：No one’s going to cry over a crypto bro’s scheme anyway, it’s even using the Chromium kernel controlled by Google.\u0026#160;\u0026#x21a9;\u0026#xfe0e;\n原文：I don’t care if it’s held at gun point or not.\u0026#160;\u0026#x21a9;\u0026#xfe0e;\n例如某些 Chromium-only API、Manifest V3 存廢問題、還有會在你查詢 DNS 的時候偷偷連線到 Google 的伺服器。\u0026#160;\u0026#x21a9;\u0026#xfe0e;\n首頁列出嘅嗰個僅供收信嘅信箱，其實都唔係完全由本人所擁有，佢只係隸屬於一個我有份參與組建嘅團體。\u0026#160;\u0026#x21a9;\u0026#xfe0e;\n","date":"2026-04-14T17:50:30Z","permalink":"/blog/yue/productivity/","title":"生產力：囚徒困境、納什均衡同諸神黃昏"},{"content":" 📌 持續更新！ 呢版係我諗到乜就寫乜嘅，一次可能淨係會寫一小部份，敬請留意本頁面嘅持續更新！\n我知道好多輸入法嘅運作原理，但可以流利用到嘅並唔多，嘸蝦米係其中之一（但目前已非本人主力）。喺本人深入嘅研究之下，發現咗呢款輸入法（至少從佢嘅官方材料為出發點）嘅一啲唔完備嘅地方。\n字根同鍵位 有好多實際上會用到嘅字根，喺官方字根表度未有列出。有啲民間資料會補返呢啲字根。 「戶」1、「酉」、「臼」、「卜」等字官方文件聲稱佢哋嘅鍵位係從發音而嚟，但我冇搵到佢哋所依據嘅發音係乜。不過其他嘅音碼其實都冇好明確嘅取碼標準就係喇。 「喪」字都有「捨大根而不用」嘅嫌疑（「土口口𧘇」\u0026gt;「十口口𧘇」？），而且唔一定有符合大根原則嘅「容錯碼」。至於「囧」不攞「四」而攞做「囗儿ㄇ」或者「囗八ㄇ」，我哋可以定義「四」內部不可容物嚟解釋。 拆字 「主」字，我從來都唔明點解它拆做「丶王」而唔係「亠土」。（五筆同樣都拆做「丶王」，倉頡同行列就都係拆做「亠土」。嘸蝦米同五筆都有齊「丶亠土王」四個字根，點解唔係遵守大字根攞先嘅原則？） 嘸蝦米有「亼」字根，但「余舍」又唔用「亼」呢個大啲嘅字根而係拆做「人」。「余」有一個將首碼攞做「亼」嘅容錯碼，「舍」就冇將首碼攞做「亼」嘅容錯碼。更甚的是，官方並冇列出一個「余減走人」嘅字根，而係用「禾」嚟權充，而且補碼要攞做捺而唔係點（如果唔係會變做次選嘅容錯碼）。以上現象全部都可以類推到包含呢啲部件嘅字度。 兩碼字 「輿」有一個兩碼打法「CB」。呢個字一般習慣寫「𦥑（臼）」先再寫「車」，拆做「GCEB」，官方碼表亦將「GCEB」列為標準拆法，而「CGEB」為容錯碼。佢嘅兩碼打法「CB」列作「首尾碼」不妥。 「辭」字完整拆碼係「ETNL」，亦冇「辭」字嘅簡速字根，官方將兩碼打法「EJ」列作首尾碼疑有誤。 「瓜」字最後一筆似乎應該係捺而唔係點，官方碼表將兩碼打法「GA」列作標準取碼不妥。（但係「GN」又同「夾」撞咗，所以「GA」或者可以當硬性編碼留喺度。） 其他帶有「瓜」部件嘅字如「孤狐」都有類似問題，補碼作 N 嘅容錯碼擠咗去次選位置。 「干」字按標準取碼，只可以拆做「GJ」，冇 V（附加 V 唔係標準取碼，只可以當係附加規則），官方將兩碼打法「GV」列作（標準取碼嘅）首尾碼不妥。 「艦」字嘅兩碼打法「GF」，官方列作「發音＋尾碼」，但佢個發音唔啱。 「或」字尾筆應該係右上角嘅點，而唔係橫，官方列作簡速字根嘅規則碼不妥。「武」字都有類似嘅問題，攞做 WE 而唔係 WA。以上字符都唔設末筆作點嘅「容錯碼」。 實際上所有帶有「弋」或者「戈」部件嘅字都係咁。官方有提到咁樣嘅一條規則：「凡係帶有『弋』或者『戈』部件嘅字（包括呢兩個字本身），一律拎右上角嘅點先，然後攞『𫠠』或者『𭠍』，最後先至拎位於呢個部件左下方嘅部份。」但考慮到補碼取用嘅模糊性，或者都應該加返咁樣嘅一條附加規則：「凡係帶有『弋』或者『戈』部件嘅字（包括呢兩個字本身）要攞補碼時，一律考慮咗位於左下方嘅部件先，然後先至去考慮喺『𫠠』或者『𭠍』攞補碼」。咁樣一嚟所有帶「弋」或者「戈」嘅字就都完整咁解釋得到喇。 有四個字，存在兩種兩碼字嘅打法：力 DX DY、門 MI MY、牙 XP YP、乙 ZL ZZ。官方文檔又話，同一個字掗住兩個兩碼碼位（加 V 嘅唔算）係浪費編碼空間，並以此為據將部份早期版本嘅兩碼字改咗佢（儘管更改兩碼字嘅「常用度」標準可能有主觀之嫌），但又唔知點解留低咗四個「浪費編碼空間」嘅兩碼字喺度。 其他 部份字符繁簡體模式分配欠妥。我有打粵語字嘅需求，例如「瞓」、「劏」等字，明明字形上係繁體，嘸蝦米又規定呢個字必須要轉去簡體模式先打到。 「戶」字，喺現代標準漢語同閩南語都係以「h」聲母開頭、標準粵語以「w」聲母開頭，反而係一啲其他嘅南方漢語（從某啲粵語或者客家話方言、到四川湖北湖南嘅方言都有）確實係讀做「f」開頭嘅。\u0026#160;\u0026#x21a9;\u0026#xfe0e;\n","date":"2026-04-09T20:06:30Z","permalink":"/blog/yue/boshiamy-unclearness/","title":"嘸蝦米輸入法嘅一啲唔清晰之處"},{"content":"以下講吓幾個奇怪嘅漢語方言1現象。\nㄣㄥ（en in \u0026amp; eng ing）不分 Wiwi 喺佢篇文「三個怪癖」 度提到佢講嘢嘅時候有ㄣㄥ不分嘅現象。據說呢樣係台灣人嘅普遍現象2，而且其實唔淨止台灣係咁，就連大陸某啲地方（主要係南方）嘅人都有。為咗解決打字方面嘅困擾，大陸的好一啲輸入法甚至有「模糊音」嘅設計，無論打邊種（用戶覺得分唔到嘅）組合都出到字。\n耐人尋味嘅係，閩南語有個類似ㄧㄥ嘅韻母（白話字 eng，臺羅 ing），傳統上應該要讀做 [i̯əŋ]，同ㄧㄣ有明顯唔同。喺北方漢語入面，ㄧㄥ韻母往往被讀做 [i̯əŋ] 甚至 [i̯ə̃]，而ㄧㄣ就係 [in]。反倒係一啲其他嘅南方漢語的確存在上述ㄣㄥ不分嘅特徵。\n閩南語真係保留入聲嘅語言？ 好一啲閩南沙文主義狂熱份子自詡閩南語係「保留入聲」嘅古漢語。但據我一個粵語母語者嘅個人觀察，台灣嘅閩南語使用者實際上普遍存在入聲脫落嘅現象，好多字典入面標明係入聲嘅字已經被發音到同開韻尾冇乜分別，除非下一個字以零聲母開頭形成聯誦。不過少數字正腔圓嘅人又真係有好好將入聲韻尾讀出嚟。語言隨住時間推移而出現自然變化係件正常嘅事，但係唔應該將某啲正喺度變化（且瀕臨消失）嘅特徵誇大成某語言存古嘅證據。\n想節能，輪胎能 好多年前有一個廣告當中有句對白「想節能，輪胎能」，因為代言人古天樂普通話太差而被空耳成奇奇怪怪嘅嘢。不過耐人尋味嘅係，喺普通話同埋標準粵語當中，「輪」跟「能」都係唔同音㗎，反而係一啲鄉下地方嘅粵語方言係分唔到。古天樂喺講粵語嘅時候應該都係分到嘅~~（如果唔係一早就被聽出口音喇）~~。順帶一提，「出」同「七」嘅歸併同上述嘅歸併其實是平行嘅，於是「出街瞓」就變咗做「七街瞓」。\n粵語嘅平翹音 唔知有冇人深入探究過呢個疑問。話說 100 年前嘅廣州話係有分平翹音嘅（雖然所謂嘅翹舌音，捲舌幅度遠遠少過北方漢語，若干字歸類同現代標準漢語3唔同），而家嘅標準粵語就唔再分。好多文獻寫「而家統統讀做平舌」，我是好懷疑嘅。根據我自己嘅個人語感、以及對身邊人發音嘅觀察，大多數香港人（冇留意大陸嘅）嘅粵語發音當中實際上係有兩套塞擦音㗎，但唔再構成音位對立，形成同位異音（allophone，少數人係自由變體 free variation），喺「圓唇元音」（粵拼 o, oe, eo, u, yu）前讀作 [tʃ tʃʰ ʃ]，而喺「非圓唇元音」（粵拼 aa, a, e, i）前讀作 [ts tsʰ s]。4假如唔遵守上述法則，雖然唔會影響理解，但可能會被認為口音同一般香港人唔一樣。\n喺純粹嘅語言學入面，「語言」同「方言」嘅區分原則好簡單：互相聽得明嘅就係「方言」；互相聽得明嘅就係「語言」。有時候「語言」同「方言」之間嘅界限並唔係咁清晰。喺我嘅部落格入面，我未必會嚴格區分「語言」同「方言」嘅用法，單純睇邊個順口啲就用邊個。\u0026#160;\u0026#x21a9;\u0026#xfe0e;\n話說我本來係想寫「通病」嘅，後來唸咗陣都係放棄咗，免得我被人話歧視台灣人。\u0026#160;\u0026#x21a9;\u0026#xfe0e;\n「現代標準漢語」係個學術名詞，常見嘅稱呼有「普通話」、「國語」同「華語」等，但好遺憾地呢種語言並唔存在一種獲得普遍使用、冇歧義、而且能夠令某啲政治狂熱份子滿意嘅稱呼，無論我點樣稱呼都總會有人唔滿意。\u0026#160;\u0026#x21a9;\u0026#xfe0e;\n有趣嘅係，包括本人在內嘅好多人，s 喺 oe、eo 甚至 yu 前面都係讀作 [s] 嘅。\u0026#160;\u0026#x21a9;\u0026#xfe0e;\n","date":"2026-03-14T13:48:30Z","permalink":"/blog/yue/chinese-dialectal-phenomena/","title":"淺談數個漢語方言現象"},{"content":" 💡 集思廣益！ 唔知各位讀者有冇想增補嘅項目？歡迎透過電郵或私訊向本人提出！\n打尖 隨地便溺 實際上呢個係一種極其古老嘅標記領地手段，喺唔同嘅物種都有發現類似嘅行為，佢啲歷史遠遠超過五千年。另可參考「世界都是中國的」。 喺公眾場合大大聲睇抖音／小紅書 播得夠大聲先可以畀人注意並領略到中華文化嘅奧妙！ 喺異國他鄉迫人講普通話 中國人鍾意喺異國他鄉迫人講普通話，哪怕對方個樣根本就唔似華人。 你整遊戲、寫漫畫嗰陣，你冇出中文翻譯嘅話，你就係唔關照中文玩家。 隨機被乳滑 古語有云：人生中必定會經歷嘅三樣嘢：出生、死亡同乳滑。 大興核酸 世界都是中國的 中國，一點也不能少！ ","date":"2026-04-01T10:30:51Z","permalink":"/blog/yue/promote-chinese-culture/","title":"弘揚中華文化"},{"content":" 💡 BlogBlog 同樂會！ 呢篇係我嘅「BlogBlog 同樂會 - 2026 年 3 月」嘅投稿文章。今個月嘅主題係「理想的日常」，由 Alex Hsu 主持。如果你有自己嘅部落格，歡迎一起嚟參加！\n理想嘅作息 我之前有喺另一篇文度提過，本人嘅生理時鐘處於一個極其微妙嘅狀態，導致我喺尋求「正常」（合乎社會常規）嘅工作極度困難。我自己就曾經嘗試強行堅持咗朝十晚六嘅返工模式幾個月，睡眠狀況都仲係好飄忽，並唔總係喺嗰種適宜返工嘅狀態。但係我又唔鍾意喺深夜出門（感覺唔太安全）。睇嚟我只能去搵一些 freelancer 性質的工作？不過以香港而家嘅經濟環境而言，呢種性質嘅工而家已經唔係咁容易搵到喇，好難以咁樣嘅工去長期維持生計（呢一點得到咗長期以 freelance 作為主要收入來源嘅友人證實）。當然如果能將自己嘅生理時鐘較返正常咁就最好，但係我又應該點做呢？唔通要用醫療手段介入？ 我一直以來都唔係一個鍾意運動嘅人，甚至可以話係有啲討厭。可能係我嘅體能狀況差得滯。聽講咁嘅諗法好違反社會常規，唔知係咪需要矯正。當然如果社會上嘅其他人願意接受我咁樣嘅諗法咁就最好。 時間 有乜做 11:00-12:00 起身、食 brunch 12:00-13:00 睇書（雖然我手頭上冇乜實體書）、創作、研究各種我有興趣嘅知識、開始前往返工嘅路上（如果有嘅話） 13:00-18:00 約會或團體活動、或者匿埋喺屋企打機、編程或者喺主流平台度頹（雖然所謂嘅主流平台幾乎剩低 YouTube 喇，雖然我身邊嘅朋友偶爾會 send 啲 Instagram 或者 Threads 嘅嘢畀我睇）、到達工作地點開始返工（如果有嘅話） 18:00-19:00 放工返屋企（如果有嘅話） 19:00-21:00 沖涼、食晚餐 21:00-02:00 繼續鑽研興趣、編程或者打機 02:00-11:00 瞓覺 理想嘅人際關係 我嘅人際關係一直都係澩澩嫪嫪。或者我應該搵啲團體活動畀自己充實一下嘅。但係喺我討厭運動嘅前提下，我搵得到嘅活動種類就比較有限喇。而且我對陌生人嘅信任度好低，我自己一個出去搵合適嘅團體活動好怕會遇到騙子，所以我基本上只會透過僅有嘅人際網絡嘅介紹先會主動參加。而且喺我搵得到穩定嘅工作之前，我亦都唔可以太過燒錢。\n不過我又唔鍾意參加人數太多嘅團體活動，如果唔係我好容易會變電燈膽。兩三個人一齊係對我嚟講最舒服嘅狀態。\n理想嘅社會制度 I 人友善：雖則話我一直都有離開香港去外國生活嘅憧憬，不過礙於經濟因素喺可見嘅將來唔係咁可行。不過我唔知點解總係感覺歐美社會嘅運作方式唔係咁 I 人友善，喺歐美地區生活就意味住有更多需要我面對面同人交流嘅場合，而呢樣正正係我唔係咁擅長嘅。我唔知道有啲咩地方係啱我去闖下嘅。 理想嘅工作環境：我係嗰啲唔係咁適應到一日就淨係得返工、放工同休息，生命被大量枯燥乏味嘅工作掗住、唔太重視 work-life balance 嘅生活模式，所以我未必好應付到全職工作？另外我自己偏好嘅工作風格係，如果我見到一樣嘢／一件事而家嘅 implementation 喺 suboptimal 嘅，而我又能諗到一啲具建設性嘅建議嘅話，我會期望我能夠對呢個問題積極發表意見，哪怕佢係我工作範圍之外嘅嘢。 理想嘅工作效率：一個理想嘅社會，各項服務都應該具備良好且完善嘅 customer service。好唔好彩嘅係，我呢個人冇乜耐性，於是好容易就變成咗「律己以寬、待人以嚴」嘅狀態。我自己就有過好幾次需要搵 customer service 嘅狀況但對方工作效率好低之餘仲搞唔掂個問題，最後個問題搞唔掂不特只，仲搞到我情緒好鬼死差。 理想 = 唔現實？ 寫到一半嗰陣留意到 Noa 同 Wiwi 提到，喺教育部國語詞典入面，「理想」嘅相反詞係「現實」。常言道「理想很豐滿，現實很骨感」，有得就一定必有其失。睇嚟或者我呢個理想係好難實現㗎喇。\n結語 因為趕工嘅緣故，文章內容組織得唔係咁好，我以後可能會再原地更新呢一篇文。\n我對於理想嘅世界、理想嘅社會制度，其實仲有啲更激進嘅諗法，不過我就唔喺度公開講喇，費事邊日呢個部落格或者就唔響處喇。\n","date":"2026-03-26T10:49:18Z","permalink":"/blog/yue/perfect-days/","title":"理想的日常"},{"content":"有啲人認為，漢字書法（下文簡稱書法）應該被納入義務教育體系，就好似而家嘅日本咁。香港而家嘅狀況係，教育局並冇對書法教育有做過啲咩規定，大部份學校都只係視書法為興趣班而非統一課程嘅一部份。其他大中華地區似乎都係類似咁樣嘅狀況？\n個人淺見 現代人越嚟越少揸筆確實係一個問題。現代有好多人一叫佢哋揸起支筆，往往就好容易遇上執筆忘字嘅情況，或者係字體難以閱讀。但係現代人又好少能夠喺義務教育體系入面獲得「書寫端正」嘅系統性指導，於是乎好多人往往就會焗住得過且過。試諗下，喺古代科舉制度嘅年代，人哋對於「字體端正」嘅標準係非常之高㗎（雖然當時嘅識字率好低），字體唔端正即刻就會被視作失格。不過從另一個角度嚟睇，現代人又的確好少真係有需要經常揸起支毛筆，畢竟長期用極度消耗體力而且唔符合人體工學嘅方式寫字，對身體都會有負面影響（或者只係我學唔到正確嘅毛筆寫字方式先會咁樣講？）。\n所以我嘅睇法係：有必要加強硬筆書法的教育，但不見得要加強毛筆書法的教育。\n個人經歷 我喺香港教育體系入面嘅經歷比較唔係咁合理，但唔知算唔算「奇怪」（因為或者我嘅狀況其實係常態，只係係一種畸形嘅常態）。我讀小學嗰陣雖然冇統一教過（我亦冇上過書法興趣班），不過有件有啲詭異嘅事，小學每隔一段時間就會叫所有人求其寫少少嘢交上去，我絕大部份嘅時候都係敷衍了事。讀中學嗰陣我就基本完全冇掂過毛筆喇，僅僅喺初中嘅視藝堂（英文簡稱 VA）有過中國畫體驗，不過書法基礎薄弱嘅我就連自己個名都寫唔好（係指難以辨認嗰隻）。\n","date":"2026-03-22T08:32:40Z","permalink":"/blog/yue/chinese-calligraphy/","title":"論漢字書法教育"},{"content":"我爹地媽咪喺深圳嘅「鴻××克」買咗啲鞋畀我，試咗好多鞋碼都唔係咁適合，而且都係左右窄，前後又反而幾充裕下。我得出咗咁樣嘅結論：大陸人嘅腳型同我唔太一樣，疑似仲停留喺紮腳嘅階段。\n","date":"2026-03-19T18:46:40Z","permalink":"/blog/yue/do-mainlanders-still-bind-their-feet/","title":"大陸人係咪仲喺度紮腳？"},{"content":"舊文 我有一篇原先發表喺 2018 年的半開玩笑嘅論述，原文如下：\n話說在 1910 年代，有一群人看見人們讀文言文實在太辛苦了，於是便發起了白話文運動，可是直到現在，文言文仍然是中文義務教育（特別是大中華地區）當中的重要一環，仍然有不少人被迫為文言文而苦練、浪費光陰，而這些也不是他們感興趣的東西。社會的資源都被浪費在文言教育上（而且沒有甚麼實質用途，除了應付考試），造成現在的青少年的由於分心在文言而導致語文能力低下。所以由此可見，白話文運動是失敗的。\n有人認為，要是沒有人再學習文言文，我們就會與五千年的中國文化和歷史割裂，持這些觀點的人認為，一旦文言文不再列入義務教育，就不會再有人學習文言文。可見我認為，這個世界上或多或少都會有一些對文言有興趣、有天分的人，他們可以替另一群沒有興趣的人去繼承這些歷史。文言文也可以作為選修科目，讓有興趣的人自行研究，而不是去強迫所有人去學習這門艱深的密碼。不是所有人都有這樣的能耐，於是導致他們不僅對文言失去興趣，令他們在各方面的能力或多或少有些影響，他們也有可能因為這樣而得上心理疾病，這樣長遠對社會的發展是很不利的。\n既然白話文運動是失敗的，矯正文字的方法無效，何不矯正人們的口語，讓人們說文言文，讓文言作為人們的第一語言，這樣人們自然也能更高效地學好文言，也能符合白話文運動「我手寫我口」的初衷。\n強迫所有學生學習自己母語以外的語言對不少人來說頗為辛苦，我認為讓他們專心學好一種語言能提高整體的語文能力，因為學生不用為其他外語（甚至密碼）而分心。想當年，香港曾出現「重英輕中」的社會風氣，可是他們沒有完全摒棄中文（或英文），導致學生們有雙重負擔，學習水平自然會下降。\n那麼從現在開始，對下一代的文言教育作好打算吧！我們儘早應該為下一代以文言作第一語言鋪路！\n託朋友翻譯出來的文言版本：\n夫一九一零之際，或見人語文言者誠苦，則發白文之運，然今，文言仍中文義務教區之大者也，是猶以中原為甚，仍有苦習文言，光陰揮霍者甚蕃，而彼亦其無心者也。社稷之資，皆廢文言，且除應試外，實用之無，致今青年由之低語之能。由是，則知白文之運，敗也。\n或以若無人習文言，则我輩失五千年華夏文化，絕史矣。執此見者以以為，若文言去義學，則無人習之。而余以為，是世果存趣於文言，質於文言者若干，彼等可代無趣於文言者承此史也。文言亦可為选修之科，請趣之者自研，而非迫人悉習此高深密碼。微人皆有是能，故致其不僅失趣，動於各面若干，更亦或因是而心疾染，長此以往，不利社稷進也。\n今者白文之運既敗，正文之法不效，何不正人口語，使人語文言，以之正音，如是，則人自速習文言，亦切白文之運初云「我手寫我口」者耳。\n迫悉生習外語，多人苦之。余以為，以學者無需分心於外語，甚至密碼者，使之專於一語之學，可拔其總語之能。觀夫香港舊日，現「重英輕華」之相，然彼等均盡未棄其二者之一，致其雙負，習能自下。\n故今者語始於計慮後人之文言！後人以文言為語，我等當早路之！\n而家嘅看法 八年過咗去，到底我嘅看法有冇變到呢？答案係：冇重大變化。\n除非你係打算研究中國歷史文化，或者係打算當中文老師，否則文言文對「應試教育之後嘅」日常生活係一點用途都冇。你只需要足夠日常溝通程度嘅中文就可以應付日常生活了。\n至於以後要喺屋企教仔女講咩話，咁就係另一個話題喇。\n","date":"2026-03-19T10:10:01Z","permalink":"/blog/yue/studying-classical-chinese/","title":"論學習文言的必要性"},{"content":"我自己私底下做 MBTI 測試，測試結果一直都係介乎於 INTP 同 INFP 之間（50 幾％嘅 T）。不過唔知點解，身邊人嘅評價清一色都係 INFP。\n既然唔係典型嘅 T 或者 F，一啲可能適用於典型 T 人或者 F 人嘅論述，當然唔係完全適用於我。\n最近參加咗一個討論 MBTI 嘅工作坊，裏面提到，NF 嘅人要「喺苦難中經歷神」1，對於「衝出某區拓展業務」充滿興趣，呢啲都唔係我感興趣嘅。當中亦都有提到適合畀唔同人格類型嘅禮物：\nST（實幹型）：有實用價值嘅物品，如現金。 SF（助人型）：有心意、肯灌住心思入去嘅禮物。 NF（理想型）：「有意義」嘅禮物，你隨便送啲垃圾然後作一個動人啲嘅故仔就得。 NT（分析型）：新穎、有創意嘅禮物。 我個人反而對畀 NF 嘅禮物沒乜興趣，反而比較期望畀 NT 甚至 ST 嘅禮物，甚至覺得畀 NF 嘅禮物有啲荒謬。\n學 Wiwi 話齋，戟住喺 T 和 F 中間咪幾好？\n順帶一提個工作坊嘅座位劃分2變相要求啲 I 人全部坐哂去前面，有夠地獄。\n本人唔係教徒、冇任何一門特定嘅宗教信仰，但亦都唔係完全嘅無神論者。本人比較偏向於懷疑論者。\u0026#160;\u0026#x21a9;\u0026#xfe0e;\n座份劃分嘅邏輯好簡單：拎一張喺網上隨便就搵到嘅 MBTI 標準排列表格直接（虛擬咁）鋪喺我哋個場地上面，I 喺張表度排喺上面，就會落喺比較近講台嗰邊。\u0026#160;\u0026#x21a9;\u0026#xfe0e;\n","date":"2026-03-16T20:13:00Z","permalink":"/blog/yue/t-or-f/","title":"T 定係 F？"},{"content":"最近有一個叫做 BlogBlog 同樂會 嘅社羣喺度不斷推廣 RSS 嘅好處，講到 RSS 可以幫助我哋擺脫演算法嘅控制之類，吹到 RSS 天上有地下無咁。介紹 RSS 優點嘅相關文章喺呢個社羣入面大把，我就唔列出嚟喇。之不過大家有冇諗過，RSS 係咪真係有大家想像中咁完美？\nPushing vs Polling RSS 係一個只支持 polling 而冇得 pushing 嘅技術，咁意味住 RSS 閱讀器係需要不斷咁向提供 RSS 嘅網站攞資料，同 pushing 比起嚟，其實係會更加嘥網絡頻寬㗎，亦都會增加來源伺服器嘅負擔。而呢個問題，喺 AI 時代來臨之後嚴重咗。\n網絡爬蟲之戰 喺 AI 時代來臨之後，啲網絡爬蟲為咗大規模拎數據訓練，開始變得唔講武德，連上古時代嘅君子協定 robots.txt 都一於唔理喇，，變相變咗做 DDoS，令全世界嘅網站管理員苦不堪言。面對呢個狀況，網站們祭出咗各種各樣嘅反制措施，有啲網站需要登入先用到某啲功能，或者啓用人機驗證做過濾，呢啲反制措施完全同 RSS 只支持 polling 嘅機制背道而馳，變相令全世界嘅 RSS 閱讀器都廢咗武功。\n我哋使唔使憎恨 RSS？ 我都唔知道。我會喺呢個部落格度照提供住 RSS 先，不過我心入面確實係有啲改良方向：\n用 pushing，唔好用落後嘅 polling 方式更新資料 強化安全機制，防止 XSS 推動格式標準化 建立「先驗證後抓取」嘅機制，降低 polling 機制所帶來嘅 DDoS 負擔。咁都會為付費牆生態下嘅生存提供了改進。 ","date":"2026-03-16T13:19:00Z","permalink":"/blog/yue/is-rss-a-mountain-of-history/","title":"RSS 係咪屎山？"},{"content":" 💡 BlogBlog 同樂會！ 呢篇文章嘅內容似乎幾切合 BlogBlog 同樂會 2026 年 2 月嘅主題「得我先係咁？」，可惜嚟遲咗！我居然一直到 3 月中先諗到寫作嘅靈感。\n我由好細個嗰陣就一路覺得狗狗呲牙咧嘴個樣好得人驚，加上父母同我提到狗會咬人（雖然我應該從未被咬過），加上我覺得我無法控制小動物嘅行為（對人都夠吃力啦），一直到而家見到狗都會引發生理上嘅強烈不適（但只有真實望見犬隻先至會引發恐懼反應，望住相或者隔住個芒睇反而冇問題），導致我出門嘅時候不時遇到困難重重嘅情形。\n唔知幾時開始，條街度越嚟越多人帶住自己隻狗進入商場嘅室內環境喇1，媒體報導飼養寵物嘅人口出現上升趨勢，好多組織都積極推廣寵物友善設施，感覺就好似喺度同我呢種不善與寵物相處嘅人宣戰一樣。我真心覺得自己離「正常人」、被社會接受到嘅人越行越遠了。\n每次出門時我都要擔心會唔會在路途上撞到狗隻、需唔需要因為撞到狗隻而兜大圈或者採取更危險嘅路徑（例如單車徑或者貼近馬路嘅一啲本身並非設計用作行人路嘅地方），而且我嘅恐懼反應同狗隻嘅體型係成正比㗎。有幾次行去唔係咁熟路嘅地方時，我嘗試咗好多唔同路徑結果都遇上大狗擋路嘅事，最後導致咗我喺條街度情緒崩潰嘅事。\n驚狗係咪一種病？係咪要醫？\n雖然而家實際上有好多商場嘅狗都係放喺架車度推住嚟行㗎啦，對於我嘅個人感覺嚟講已經好好多㗎啦。\u0026#160;\u0026#x21a9;\u0026#xfe0e;\n","date":"2026-03-12T17:57:10Z","permalink":"/blog/yue/fear-of-dogs/","title":"對狗隻嘅恐懼"},{"content":" 💡 BlogBlog 同樂會！ 呢篇文章嘅內容似乎幾切合 BlogBlog 同樂會 2026 年 2 月嘅主題「得我先係咁？」，可惜嚟遲咗！我居然一直到 3 月中先諗到寫作嘅靈感。\n明明從來冇去過太遙遠嘅地方旅遊1，而且我亦都冇喺凌晨食嘢嘅習慣，我嘅生理時鐘就唔知點解存在住極嚴重嘅時差。呢種問題似乎係與生俱來嘅，喺唔使返學或者返工嘅時候，頭腦可以一直保持清醒直到凌晨兩三點先開始出現睡意，然後酣然入睡一直到第二日2下晝先至自然醒，近年更有越推越遲嘅趨勢。如果嘗試迫自己早瞓嘅話，我反而會失眠，攤喺張床度幾粒鐘都瞓唔着。但係我個人體感上就一直認為，只要容許我晚睡晚起，我嘅睡眠基本上都係充足嘅，只有喺強行迫自己早起嘅情況下先會感覺到睡眠不足，十足十生理時鐘飄咗去第二個時區、同周遭嘅社會作息時間出現時差咁款。久而久之我嘅生活習慣就變得日夜顛倒，無法適應一切社會需求。\n假想解決方案 我喺度諗有冇咁樣嘅一個可能：假如將我送去外國再送返返嚟，我嘅生理時鐘會唔會因為咁就反而好返呢？等我哋用數學嚟計下：\n向西飛行：假設我由香港飛去倫敦。假設我喺香港時間半夜 12 點起飛，倫敦時間朝早 7 點（夏季）抵達，物理意義上過咗大概 14 個鐘頭。喺架飛機度嘅 14 粒鐘當中，後面嗰 7 粒鐘差唔多就係我而家嘅睡眠時間喇，一落機生理時鐘當堂就正常返哂。不過咁樣都淨係計咗去程，聽講呢樣嘅方案喺回程嘅時候會令一日嘅長度壓縮，相當於重新迫自己提早瞓覺，生理時鐘偏移嘅症狀更容易復發。 向東飛行：假設我由香港飛去溫哥華。假設我喺香港時間中午 12 點起飛，溫哥華時間朝早 9 點（夏季）抵達，物理意義上過了約 12 個鐘頭。抵達時大概會落在我生理時鐘的下午，然後我開始熬夜讓我在體感凌晨（北美西岸晚上）入睡。不過如果要用這種方法去校正我的生理時鐘，我可能得北美待至少一週，而且這樣相當於將生理時鐘相位不斷後移直到時差超過 24 個鐘頭，咁樣對身體嘅負擔分分鐘仲大？ 衰嘅光照接觸 有科學研究表明，如果只是想矯正自己嘅生理時鐘嘅話，光照接觸可能有用過長途移動。實際上我喺香港嘅光接觸習慣本來就好衰，明明深夜卻一直暴露喺充滿白光同藍光嘅室內環境之中。或者其實我應該要喺深夜時分個腦高速運轉時所處嘅嗰間房裝返個黃光燈。\n咪怪本人家境清貧、經濟拮据。\u0026#160;\u0026#x21a9;\u0026#xfe0e;\n眾所周知日出係一日嘅開始。\u0026#160;\u0026#x21a9;\u0026#xfe0e;\n","date":"2026-03-12T18:00:00Z","permalink":"/blog/yue/jet-lag/","title":"時差"},{"content":" 呢版而家仲喺度施工中，敬請留意呢版嘅持續更新！\n呢版旨在當做筆記咁嚟用，文章組織有啲混亂請見諒。篇文入面嘅 FEN string 以後計劃整做互動嘅網頁內嵌 gadget 等大家好睇啲。\n單王殘局 單后殺單王 將單王逼到棋盤邊緣之後，王后應該同隻國王保持 4 × 2 嘅距離（一個馬步拉長一格）直至雙方嘅國王夠近為止，以免逼和。\n單車殺單王 如果攻方隻車被守方國王攻擊住而前進唔到，可以將隻車沿住可以限制對方國王嘅橫豎線平移作為等着。\n雙象殺單王 先將守方國王逼到棋盤邊緣。 然後將自家嘅棋擺做「象象王」嘅樣，其中一隻象同守方國王形成類似 opposition 嘅樣。 象行 W 形配合攻方國王將守方國王趕去角落。若攻方象揩到守方國王就行國王保護象。 守方國王困喺角落之後，善用中間象嘅等着令守方隻國王只能喺底線嘅兩格之間來回移動。 FEN string: k7/8/BBK5/8/8/8/8/8 w - - 0 1\nBg1 Kb8 2. Kb6 Ka8 3. Bb7 Kb8 4. Bg2# 馬象殺單王 （施工中）\n王兵殘局 好多王兵殘局都有唯一解，只要行錯一步守方往往就能夠守和甚至直接逆轉。\n單兵殺單王 如果持兵一方達成下列條件當中的至少兩個的話，就保證贏到：\n攻方國王喺自家兵嘅前面； 攻方國王有 opposition； 攻方國王喺第六列（rank）。 如果攻方隻兵喺 a 行或者 h 行，一般來講只要對方隻王能夠去到兵嘅前面就很難贏到。不過亦有下列嘅例外情況：\nFEN string: 5k2/8/6KP/8/8/8/8/8 w - - 0 1\n白棋先行兵 h7 可以贏到。\n車兵殘局 喺一車對一兵（KRKP）嘅情況下，如果持兵一方能夠阻止對方隻王挨埋去隻兵到就能夠守和。持車一方要盡量將自己隻王挨埋去對方隻兵到，同埋用車從後面睇着隻兵。\nFEN string: 3r4/8/1PK2p2/5k2/8/8/8/1R6 b - - 0 1\n如果黑棋行先，唯一解係 Ke4，擋住對方隻國王。\nFEN string: 1B6/8/4k3/1K6/4r2p/1P6/8/8 w - - 0 1\n用白象將黑方嘅通路兵換走之後，形成一車對一兵嘅局面。\n","date":"2026-03-09T19:18:40Z","permalink":"/blog/yue/chess-endgame-complete-guide/","title":"國際象棋殘局完全指南"},{"content":" 💡 BlogBlog 同樂會！ 呢篇文章嘅內容似乎幾切合 BlogBlog 同樂會 2026 年 2 月嘅主題「得我先係咁？」，可惜嚟遲咗！我居然一直到 3 月頭先諗到寫作嘅靈感。\n我似乎一路以嚟都對個人財務管理冇乜概念。\n是咁的，話說我之前同一班識咗唔係好耐嘅朋友一齊出街玩，要大家自己夾錢。第一次，我係去到先當面畀現金；第二次，佢話想透過 PayMe 或者 FPS 收咗錢先。我當時唔係好識搞呢啲，就委託咗一位同我比較熟絡嘅人幫我搞咗先。不過之後嗰位熟人其實最終都係叫我透過 FPS 還返啲錢比佢。🤣\n某次同佢哋出街食飯我都係畀現金算，我可能係呢班人當中唯一一個畀現金嘅人。🤣\n由細到大，一路以嚟受過既教育，付款手段似乎僅限於現金同八達通，而冇乜人教過我去掌握一啲近年發展嘅電子支付方法。或者，遲啲自己可能都要熟習下呢啲嘢？不過要從邊度開始入手、點樣入手？冇人答到我。\n","date":"2026-03-03T17:25:16Z","permalink":"/blog/yue/still-stuck-at-cash-payment/","title":"仲用現金畀錢？"},{"content":"眾所周知，基督教唔鼓吹「迷信」。有人話 MBTI 係「偽科學」（pseudoscience），咁 MBTI 係咪應該同生肖運程、星座運程一樣，都係一種「迷信」？\n偽科學 = 迷信？ MBTI 同命理學（i.e. 生肖運程、八字命理、紫微斗數等）、占星術、血型性格理論類似，都係喺度分析緊一個人有啲乜性格特質傾向。有人宣稱 MBTI 同典型算命理論類似，都係偽科學，英文維基百科嘅 MBTI 條目更係一開頭就開宗明義指出 MBTI 係偽科學。咁到底 MBTI 同呢啲傳統算命理論，又有啲咩分別呢？\n當基督徒變成算命師傅 最近，我留意身邊嘅基督徒開始一本正經咁透過 MBTI 去分析身邊唔同人嘅性格特質，當中更有人專門去報讀有關 MBTI 嘅進修課程，然後開始喺度分析身邊人或者唔同名人嘅 MBTI。當中嘅談論內容更包括唔同 MBTI 類型嘅詳細分析，唔同特質嘅人喺唔同嘅年齡階段會點點點之類，十足十同人批命咁款。咁樣呢啲基督徒，到底同被佢哋指控為「迷信」嘅算命師傅，又有乜分別呢？\n基督教係咪都係一種「迷信」？ 調返轉嚟講，既然冇人證明到基督教係一定啱嘅，咁基督教又何嘗唔係一種「迷信」？\n結語 話雖如此，但我本人並唔係基督徒，我亦都冇任何一門特定嘅信仰。對於目前嘅我嚟講，維持良好嘅人際關係更重要，所以我應該暫時唔會當面向佢哋提出呢個疑問。\n","date":"2026-03-03T12:31:26Z","permalink":"/blog/yue/christianity-and-mbti/","title":"基督教與 MBTI"}]