💡 BlogBlog 同樂會！

呢篇係我嘅「BlogBlog 同樂會 - 2026 年 6 月」 嘅投稿文章。今個月嘅主題係「音樂同記憶」，由柚子主持。如果你有自己嘅部落格，歡迎一起嚟參加！

今個月嘅 BlogBlog 同樂會我想嘗試早啲投稿。按照前幾期嘅經驗，大概前一個月嘅 15 號左右就會放主題文出嚟開始接受投稿，我預好時間開始寫，到時我差唔多寫好就可以直接投稿。點知今次 5 月 10 號主題文就出咗嚟，搞到我有少少措手不及添。我係個諗嘢比較慢嘅人，之前嗰幾期趕住出咗個初稿出嚟先，到而家都仲未完全執好完整稿添。

學樂器嘅經歷

我好細個嗰陣學過一兩年鋼琴（屋企有兄弟姊妹本身都學緊），不過當時嘅我冇乜耐性練琴，喺爹哋媽咪同鋼琴老師嘅建議下就放棄咗。不過喺學鋼琴嘅過程入面，我就發現咗自己有絕對音感（perfect pitch）（雖然我係再大個啲先知道有呢個名詞）。

你話家陣大個咗，耐性稍微好咗啲啲（雖然我依然係個冇乜耐性嘅人），會唔會諗住重新學返，咁我就會答你唔知喇。

後尾其實我有諗過想試下學結他，不過截止目前為止仍然未實現~~，明明家陣係我有史以嚟最頹嘅時間~~。但我並冇靠音樂嚟維持生計嘅資質，所以而家嘅我，企喺現實層面嘅考量，就未必好有動力去認真學樂器了。

或者，可能會試下管樂器？某次爹哋媽咪去台灣旅遊嘅時候，順手買咗個陶笛送咗比我，嚿陶笛應該都仲喺度，不過我後尾個腦成日掛住諗第啲嘢，就已經冇乜點掂過佢了。在此之前我唯一掂過嘅管樂器是牧童笛（recorder），應該都仲上到手嘅？

音樂理論 & 作曲之路

細個嗰陣屋企有部 Yamaha PSR 電子伴奏琴，話係買真嘅鋼琴送嘅。喺見到好和弦之前，我所有嘅和弦代號知識都係從呢部電子琴學返嚟嘅。

(WIP)

我嘅聽歌習慣 & 風格

(WIP)

音樂係乜嘢？

或者，我哋可以返返嚟問自己一個最最最本質嘅問題：音樂係乜嘢？乜嘢係音樂？「音樂」同「噪音」之間嘅分別到底喺邊？

(WIP)