我嘅部落格目前有三種語言：書面中文、粵語、英語。唔同嘅語言版本之間，目前係靠不同嘅路徑去分。

由於我目前極少喺不諳漢語嘅圈子宣傳呢個網站，所以本站嘅英語內容大部份都是用住機器翻譯工具粗翻一次先，以後有時間先再嚟慢慢校對喇。

最近 JN 整咗個叫 IndiePing 嘅工具，可以愛嚟搵「BlogBlog 同樂會宇宙」入面有邊啲文章連結去你嘅部落格。個工具有個小 bug，如果你嘅部落格唔喺 subdomain 嘅根目錄度，IndiePing 有機會拎錯部落格名。JN 回覆話呢個 bug 要逐個個案手動修正。目前呢個部落格仲未有自有網域，或者邊日話唔埋我會將成個部落格搬去自有網域。唔知將來搬網域嗰陣，三種唔同嘅語言版本係要維持用目錄嚟分，定係要為了一啲部落格連結工具嘅相容性考量，不得不為每一個語言版本安排唔同嘅 hostname。

另外，noeFly 亦都有整緊一個部落格搜尋引擎，目前仲未係好清楚佢對我呢種非根目錄 + 多語部落格嘅支援度係點樣。

Eddie Lv 基於某種原因，決定喺佢嘅「提及與討論」頁面度，擠咗我英文網站嘅連結，儘管 Eddie 嘅網站係用中文寫嘅。或者佢根本唔知，其實我嘅網站係有中文版本㗎。