💡 BlogBlog 同樂會！

呢篇係我嘅「BlogBlog 同樂會 - 2026 年 9 月」嘅投稿文章。今個月嘅主題係「夜晚唔瞓覺」，由 Jason Lai 主持。如果你有自己嘅部落格，歡迎一起嚟參加！

明明從來冇去過太遙遠嘅地方旅遊¹，而且我亦都冇喺凌晨食嘢嘅習慣，我嘅生理時鐘就唔知點解存在住極嚴重嘅時差。呢種問題似乎係與生俱來嘅，喺唔使返學或者返工嘅時候，頭腦可以一直保持清醒直到凌晨兩三點先開始出現睡意，然後酣然入睡一直到第二日²下晝先至自然醒，近年更有越推越遲嘅趨勢。如果嘗試迫自己早瞓嘅話，我反而會失眠，攤喺張床度幾粒鐘都瞓唔着。但係我個人體感上就一直認為，只要容許我晚睡晚起，我嘅睡眠基本上都係充足嘅，只有喺強行迫自己早起嘅情況下先會感覺到睡眠不足，十足十生理時鐘飄咗去第二個時區、同周遭嘅社會作息時間出現時差咁款。久而久之我嘅生活習慣就變得日夜顛倒，無法適應一切社會需求。

假想解決方案

我喺度諗有冇咁樣嘅一個可能：假如將我送去外國再送返返嚟，我嘅生理時鐘會唔會因為咁就反而好返呢？等我哋用數學嚟計下：

• 向西飛行：假設我由香港飛去倫敦。假設我喺香港時間半夜 12 點起飛，倫敦時間朝早 7 點（夏季）抵達，物理意義上過咗大概 14 個鐘頭。喺架飛機度嘅 14 粒鐘當中，後面嗰 7 粒鐘差唔多就係我而家嘅睡眠時間喇，一落機生理時鐘當堂就正常返哂。不過咁樣都淨係計咗去程，聽講呢樣嘅方案喺回程嘅時候會令一日嘅長度壓縮，相當於重新迫自己提早瞓覺，生理時鐘偏移嘅症狀更容易復發。
• 向東飛行：假設我由香港飛去溫哥華。假設我喺香港時間中午 12 點起飛，溫哥華時間朝早 9 點（夏季）抵達，物理意義上過了約 12 個鐘頭。抵達時大概會落在我生理時鐘的下午，然後我開始熬夜讓我在體感凌晨（北美西岸晚上）入睡。不過如果要用這種方法去校正我的生理時鐘，我可能得北美待至少一週，而且這樣相當於將生理時鐘相位不斷後移直到時差超過 24 個鐘頭，咁樣對身體嘅負擔分分鐘仲大？

衰嘅光照接觸

有科學研究表明，如果只是想矯正自己嘅生理時鐘嘅話，光照接觸可能有用過長途移動。實際上我喺香港嘅光接觸習慣本來就好衰，明明深夜卻一直暴露喺充滿白光同藍光嘅室內環境之中。或者其實我應該要喺深夜時分個腦高速運轉時所處嘅嗰間房裝返個黃光燈。

亮色主題同暗色主題

本站而家係同時提供亮色主題同暗色主題，並且預設係自動偵測模式，但亦都容許用戶㩒選單度嘅掣去轉模式。

但係如果點都要揀一個呢？支共喉舌 Alex Hsu 在《无菜单部落格：做一个任性一点的个人网站](https://alexhsu.com/omakase)》入面提到佢將成個亮色模式抆走咗，我就覺得還好。相反由於我自己係個會深夜匿埋喺間黑鼆鼆嘅房度睇手機嘅人，所以就唔係咁鍾意廢文小天地同 Wen 嘅常時亮瞎狗眼模式（嗰種亮瞎狗眼模式比較適合喺電子墨水屏或紙本閱讀，或者我應該投資一個電子書閱讀器？）。上古時期冇 CSS 嘅時代，預設佈局都係亮色模式，造成咗而家嘅瀏覽器喺冇用 CSS 指定顏色嗰陣，預設都係亮色模式。