眾所周知，基督教唔鼓吹「迷信」。有人話 MBTI 係「偽科學」（pseudoscience），咁 MBTI 係咪應該同生肖運程、星座運程一樣，都係一種「迷信」？

偽科學 = 迷信？

MBTI 同命理學（i.e. 生肖運程、八字命理、紫微斗數等）、占星術、血型性格理論類似，都係喺度分析緊一個人有啲乜性格特質傾向。有人宣稱 MBTI 同典型算命理論類似，都係偽科學，英文維基百科嘅 MBTI 條目更係一開頭就開宗明義指出 MBTI 係偽科學。咁到底 MBTI 同呢啲傳統算命理論，又有啲咩分別呢？

當基督徒變成算命師傅

最近，我留意身邊嘅基督徒開始一本正經咁透過 MBTI 去分析身邊唔同人嘅性格特質，當中更有人專門去報讀有關 MBTI 嘅進修課程，然後開始喺度分析身邊人或者唔同名人嘅 MBTI。當中嘅談論內容更包括唔同 MBTI 類型嘅詳細分析，唔同特質嘅人喺唔同嘅年齡階段會點點點之類，十足十同人批命咁款。咁樣呢啲基督徒，到底同被佢哋指控為「迷信」嘅算命師傅，又有乜分別呢？

基督教係咪都係一種「迷信」？

調返轉嚟講，既然冇人證明到基督教係一定啱嘅，咁基督教又何嘗唔係一種「迷信」？

結語

話雖如此，但我本人並唔係基督徒，我亦都冇任何一門特定嘅信仰。對於目前嘅我嚟講，維持良好嘅人際關係更重要，所以我應該暫時唔會當面向佢哋提出呢個疑問。